ՎՏԲ-Հայաստան Բանկ ՓԲԸ վճարային համակարգերի քարտերից ՀՀ բանկերի քարտերին փոխանցման պայմաններ

ՎՏԲ Բանկ Հայաստան ՓԲԸ (այսուհետ՝ Բանկ) https://most.vtb.am վճարային էջը Բանկի հաճախորդներին հնարավորություն է տալիս առցանց փոխանցումներ կատարել Բանկի կողմից թողարկված վճարային համակարգերի քարտերից  Հայաստանի Հանրապետության  այլ բանկերի քարտեր։

Հաճախորդը հաստատում է, որ մինչ փոխանցումը իր կողմից լրացված (Բանկին տրամադրված) բոլոր տվյալները ճշգրիտ են և հավաստի, և  համաձայնությունն է տալիս  ուղարկել իր տվյալները Բանկին և գործարքի մյուս կողմում մասնակցող այլ ֆինանսական կազմակերպություններին:

1.    Ինչպե՞ս ուղարկել փոխանցումը

Փոխանցում ուղարկելու համար Հաճախորդը մուտքագրում է հետևյալ տվյալները.

• ՎՏԲ-Հայաստան Բանկ ՓԲԸ-ի կողմից թողարկված վճարային համակարգի քարտի համարը,

• Ուղարկողի անունն ու ազգանունը լատինատառ (հայրանունը լրացնել պետք չէ),

• ՀՀ բանկերի կողմից թողարկված քարտի համարը,

• Ստացողի անունը և ազգանունը լատինատառ (հայրանունը լրացնել պետք չէ),

• Փոխանցման գումարը ՀՀ դրամով։

Միջնորդավճարը վճարում է ուղարկողը, որի չափը հաճախորդին ծանուցվում է փոխանցումը իրականացնելուց առաջ:

2.    Գումարի սահմանափակում

Փոխանցման նվազագույն գումարը 100 ՀՀ դրամ է։ Մեկ քարտից 24 ժամվա ընթացքում հնարավոր է ուղարկել մինչև 3 փոխանցում, որոնց առավելագույն հանրագումարը կարող է լինել մինչև 399.000 ՀՀ դրամ։

3.    Ինչպե՞ս հաստատել փոխանցումը:

Փոխանցումը հաստատելու համար Հաճախորդը ստանում է Բանկին տրամադրված իր բջջային հեռախոսահամարի մեկանգամյա կոդը: Փոխանցման գործողությունն ավարտելուց հետո Հաճախորդը ստանում է դրամական միջոցների փոխանցումը հաստատող չեկ, որն արտացոլում է փոխանցման բոլոր պայմանները

4.    Փոխանցման տևողությունը:

Փոխանցումը մուտքագրվում է ստացողի հաշվին փոխանցման գործողությունն ավարտելուց 10 րոպեի ընթացքում: Եթե ​​այն չի մուտքագրվում ստացողի քարտին, փոխանցված գումարը և վճարված միջնորդավճարը վերադարձվում են Ուղարկողի քարտին:

     5. Ինչպե՞ս չեղարկել փոխանցումը:

Փոխանցման տվյալները չեն կարող չեղարկվել OTP-ի հաստատումից հետո:   Բանկը պատասխանատվություն չի կրում հաճախորդի կողմից ստացողի քարտի համարը սխալ մուտքագրելու հետևանքով գումարը այլ քարտապանի հաշվին մուտքագրելու համար:

6.    Այլ պայմաններ:

Հաճախորդը պարտավորվում է ձեռնարկել բոլոր անհրաժեշտ և բավարար միջոցները՝ ապահովելու սույն Պայմանների 3-րդ կետում նշված տվյալների/տեղեկատվության պատշաճ պաշտպանությունը, ինչպես նաև կանխելու և բացառելու երրորդ անձանց

կողմից դրանց օգտագործումը:
Բանկը պատասխանատվություն չի կրում Հաճախորդի բանկային գաղտնիքների բացահայտման համար, եթե դա տեղի է ունեցել Հաճախորդի մեղքով կամ նրա անփութության հետևանքով:

Բանկը պատասխանատվություն չի կրում անվավեր կամ արգելափակված կամ այլ կերպ սահմանափակ քարտերի կամ քարտային հաշվի հետ ձեր գործարքի կասեցման կամ մերժման համար:

Գործողությունը կատարելուց առաջ համոզվեք, որ

·         Ձեր քարտի ժամկետը չի լրացել,

·         քարտային հաշվին առկա է անհրաժեշտ գումար,

·         քարտ թողարկող բանկի կողմից քարտի կամ քարտային հաշվի վրա դրված      արգելքներ կամ սահմանափակումներ չկան,

·         քարտը ֆիզիկապես ձեզ մոտ է:

Պայմանների հետ ձեր համաձայնությունը հաստատելու համար նշեք համապատասխան վանդակը և շարունակեք կատարել փոխանցումը: